الخوّة اللي ماتجي درع وحزام=صرمتها ملعام وقت الصرامي
وش لي على موّالها طول الأيام=مادام مايرفع نباها مقامي
أبغى ليامن قلت قدّام قدّام=والا على الدنيا جزيل السلامي
المرجلة ماهي بموتر وهندام=ولاهي بقصر مزخرفٍ بالرخامي
ولاهي برتبة تاج ونجوم ووسام=ولاهي بمنصب عمدة أم الحمامي
ترفع لها حكّام وتحط حكّام=ماكل حرٍ يالنشامى قطامي
وليا بغيت أقرب مثل دوك صدّام=غدا مابين المدّعي والمحامي
صوب الجنوب أصبحت وامسيت فالشام=واخذت عبرة من جنوبي وشامي
جرّة قلم قصيتها دون الأقلام=من غير قاصر في رشيد الزلامي
الهاجري سلطان وابوه وسّام=لو مادرى عني كربت الحزامي
جوّد زمام القاف بقياد وخطام=ماموم يتبع فالصلاة الامامي
وان قال قصدي من ورى هذي إعلام=رمية على ماقيل من غير رامي