اقتباس:
المشاركة الأصلية كتبت بواسطة مفرّج الناقول
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
بناء على طلب بعض الأخوه نبض ماجد الناقول ..
ماني وانا ماجد بعلة بني عمه=اللي نفوس الجماعه منه مرضانه
اشوم لا شفتها صدت عن اليمه=أخير من عرضة الوجعان حقرانه
الآدمي ليش يحرق فالزمن دمه=والعمر محسوب والأيام عجلانه
ماكل عدٍ بنرده ناصل الجمه=الناس بالناس والأجواد عوّانه
العوج يفتح لها العاقل طرف كمه=محاسب الناس يرخص فالزمن شانه
وسعت صدري وشبح عيوني القمه=يوم الردي ناشبٍ لحيه بذرعانه
لابد سود الليالي يومٍ تخمه=ويدري بقيمة بني عمه وصدقانه
الوقت ناب أبرقٍ من صوّبه سمه=تبكي عيونه لو ان يديه مليانه
|
إبداع يا ماجد الناقول ..
إبدااااع ..
ولا غرابه فأنت تحكي واقعك ..
الحقيقة أنا لا أعرفه شخصياً ولكني أعرف من يعرفه حق المعرفة ..
وشهادتي برجولته وشهامته قد تكون مجروحة لأني أحب هالادمي من الله فالله ..
وحلقة إيصال علومه الغانمة لي هو من ينقل لي كل جميل عنه ..
وتاريخه الشعري خصوصاً مع من يعرفهم هو ؟!
يجعلنا نقف له إحتراماً علاوة على إحترامنا له شخصياً ..
الحقيقة يا النواقيل كل واحد فيكم يقول الطيب عندي ..
أحترنا فيكم ما لقينا فيكم زكاه يوم أن كل حمولة فيهم زكاه ..
والله أني أكتبها ولا أتلمع بها أمامكم لأنكم والله ما تعرفوني بهالإسم المستعار ..
ولكن لله درّكم ..
أخي مفرّج ..
نأمل منك كما قال أبو جبر تفرغ نفسك وتعطينا قصايد ماجد الجديدة وخصوصاً اللي كتبها في آل محمد الحقيقة أعجبتني حيل ..
ومثل ما قال ناصر القحطاني بقصيدته في شمّر ..
أدخل على اللي تطوف البيت حجاجه=من ناقصٍ عند مدح الغير يتذمّر
مدحه لآل محمد عجيب غريب صراحة ما كتبها ماجد بشاعرية فقط كتبها بخبرته في بناء القصيدة ..
فوووتك بعافية ولا تبطي علينا ..
المواضيع المتشابهه
ماني وانا ماجد بعلة بني عمه
العرض العادي
