لا يا أبن شاهر لاتضـيق ولايضيق اللي معك=ياراس فخر الاد صامل والحميا في سبيع
كب الردي والأمعه مدام كلن يسمعك=ومادام صدري لك وطن وصدورنا بك ماتضيع
هذا زمان المنعكس والمنعوج ماينفعك=وأكبر دليل ان المناصب عكس ماظن الجميع
وما أظن شخص اقل من قدرك وفايح يـقنعك=الا ليا ظنيت بوجوده على الكرسي مضيع
الكل ما يجهل شبيب وماجهلنا مطلعك=يالصافي الي في جبينه شوفة الحق المطيع
آمر انا لك بيرق ومليون وحزام أجمعك=تامر على أراوح الرفاقه يالعزيز ابن الرفيع
كلك فخر من راسك الشامخ ليا حد اصبعك=وكلك شموخ وطيب راس تدل دربك ماتضيع
ماقلتها تلميع ولا عنـصـريه بأرفعك=هي كلمة الحق قلتها والله على قولي شفيع
كمل غناك بننطرب مادام خلق الله معك=محسود مادامك صميلي تنتمي لهامة سبيع