باسم رب البيـت ببـدا ولافيهـا كـلام=ومن بدى باسمه يعديـه للـدرب القويـم
ياسبيع أهـل المـروات عاليـن المقـام=يا أهل الأمجاد والصيت والذكـر المقيـم
أتشرف في لقاكـم ولـي قصـد ومـرام=ودي أسولف معاكم قبـل وقـت العتيـم
أفهقوا منهو تقلـط بكـم وأنتـم حشـام=ما يقلط فالنشاما سوى الزحـل الحشيـم
شاعـر الغلبـا تعـدا المنابـر فالظـلام=وين أبو شيبه ودسمان من ضيقة تميم
صح أنا عجمي وجـدي ورد بالـدم يـام=لو تميم أزراه عامر ضحك جـدي عجيـم
لكن إبدا الحق واجـب علينـا والسـلام=ومن سكت فالحق عـدوه شيطـان بليـم
والتفاتـي للهرابيـد مكـروه وحــرام=مير أفا ياشاعر الجن يا البحـر الطميـم
لاتجي هامة مضر وأنت ماتلبـس حـرام=ما يخالف خاتم الرسـل ياكـود الزنيـم
أمتدحهم خاتم الرسل فـي كـل المهـام=صفحة التاريخ ماغرهـا الرجـل الفهيـم
حنظله أخوه عمـرو" همـام مـع همـام=والرباب وسعد وقفة هميـم مـع هميـم
الاربعه تمسكـوا فـوق فعلـو السنـام=في تميم العود ويل أم من يجحـد تميـم
يا أبو خالد فابوظبـي المكـارم والكـرام=ياولـد زايـد والأيـام بأشباهـك عقيـم
أنت فوق الشعر ياشيخ وهـروج العـوام=فوق فوق وفوق مافوقك إلا قنوف غيـم
ويا أبو خالد في كويت المراجل والسـلام=أذنك أكرم من هـروج" يرددهـا شريـم
فعلك الطيب على صدرك السامي وسـام=تعرس بذكر المطانيـخ شينـات الحريـم
شاعر المليون منبـر معرفـه وأقتسـام=ينجح البارز ويبرى لـه أخـوه الغشيـم
داره محمد خلـف باحتـراف وبانتظـام=ثم تزعم فالبرامـج علـى يمنـا زعيـم
فارس المزروعي أرث قبل يرحـل هـوام=منهم محمـد إليـا خلـي الأمر الجسيـم
الضفـادع لـو تناغـق ماتثـر فالغمـام=تكرم العقـال مـن هضولة فـاه السقيـم

بسمـك الله ابتـدي بالتحيّـه والسـلام=يا سلام الله على يـام قاهـرة الخصيـم
ثم أثنّيهـا لظفيـر ابمحبّـه واحتـرام=والمعزّه والغـلا والوفـا لأبنـا تميـم
ويا سلام الله على سبيع درعي والحزام=أفتخر وأفخر بها وآرد البحـر الطميـم
ليت ابن شلحاط ماهوب من صبيان يام=الرجال أهـل الوفـا مـا يمثّلهـا لئيـم
شاعرٍ شحّاذ ماخذ على الشحذه وسـام=ما ينومس روس ربعه ولا يِطعم يتيـم
دفش قومٍ ما يميّـز حـلالٍ مـن حـرام=في بحور الذل والدنفسه نفسـه تهيـم
ايتباها يحسب إنّه علـى كـور السنـام=ما درى أن الهرج كثره من طبوع الحريم
بينه وبين السفاهـه مـودّه وانسجـام=شاعرٍ من كثرة البلبلـه عقلـه سقيـم
المواقـف مالهـا إلا امروّيـن الحسـام=وأنت مانتب لا شجاعٍ ولا رجـلٍ فهيـم
اخس واعقب ما أنت كفوٍ وندٍ للحشـام=أشهد إنك هيس وإنك ردْي مانتب حشيم
كيف تدخل معركه وأنت ما تقوا الزحـام=يا صغير العقـل ماللعظـام إلا العظيـم
ما يزعزع وحدة الصف هرجك يالخمـام=القبايل كلهـا صـف واحـد يـا ذميـم
كلبونا صف واحد تحـت رايـة لإمـام=ما يفرّق بيننـا كـود شيطـانٍ رجيـم
المجوسي لو قدر يدخل البيـت الحـرام=كان شبّ النار ما بين زمـزم والحطيـم
والبدايـه والنهايـه سـلام الله سـلام=تلتطم لأمـواج والـرب بالنيّـه عليـم