( انا بخير..إن كان هذا سؤالك=و إن كان غيره .. لا تحاول ولا تقول
ما راح أرد الا على - كيف حالك -=و أقول ماشي الحال .. لو كان مشلول !
ماطيق بعدك .. بس مابي وصالك=معادله سهله ولا تبغي حلول !! )
+ البيت هذا كاتبه لك لحالك=والا ترى الباقي من أبيات منقول +

الفعول تجمّل الرجّال قدام الرجال=والسوالف للحريم وللسفيه وللصغير
لو رموني بالسهام ودار حوليني جدال=ماانجرحت من السهام ولا اشتعل جوف الضمير
ليش اكدر خاطري واسمع سوالف قيل قال=وليش انزّل مستواي لواحدٍ مافيه خير
واثقٍ من طيب راسي مع مذاريب العيال=وعارفٍ قدري مع الوافين محفوظ وكبير
والضعيف اللي تسوقه للخطا بنت الحلال=ماخذا في يديه مني لا قليل ولا كثير