لعـل مايلحقـك منـي مـلامـه=ولعلني مـاذوق حزنـك وفرقـاك
من راس ابوك اخذت طيب وزعامه=ومنهم خوالك كل كايـد تنصـاك
عليك من وصف الحرار الوسامـه=ولغير فعل الذيب ماشفـت حليـاك
لكن اشوف الوقـت ثـور اكتامـه=واقفـى علـى ذولا وذولا وذولاك
احدٍ رفعه الله مـع النـاس هامـه=واحدٍ عقب عـزه ينـزل لـلادراك
لين انهم قلـو رجـال الشهامـه=هـذا حـدا منـا وهـذاك منـاك
والله يعز اهـل الوفـا والقرامـه=خيالة التوحيـد متعبـة الارمـاك
ابنا الحمايـل محتويـن الكرامـه=حماية التالي سواتـك وشـرواك
ولاعاش رجـلٍ مايثمـن كلامـه=جعله فداء علمه وهوعلمه فـداك
والقاف درهم يوم قـاده خطامـه=وجني بنات الفكر لرضاي ورضاك
عقب اسبحن فالبحر تسعين قامـه=افتكن الدانه من حلـوق الاسمـاك
والشعر ضد الفكـر زاد اقتحامـه=لين الفكر للشعـر قـال اتحـداك
اصخـرك بفكـارٍ الهـا ازدحامـه=ويطوقنك مـن يمينـك ويسـراك
وان كان شفت الوقت ثور عسامه=هذي تراها دبـرة مديـر الافـلاك
والوقت نوره ماغدا فـي ضلامـه=ولانبت الرمان في شجـرة الـراك
واليا طمع فالكور راعي المسامـه=ذكـر عليـه بكلمتيـنٍ ماتخفـاك
مثل الغـراب الـي يقلـد حمامـه=قله ياساري الليل ياطول مسـراك
وبيتٍ بليا سـاس عجـلٍ هدامـه=لو حطله ديكور كشخـه وشبـاك
وشيٍ ماهو لله يامسـرع عدامـه=والله يحمى كـل مسلـم ويحمـاك
والمحترم ياجب علينـا احترامـه=ولاهنـت والله يارفيقـي وحيـاك
لان الشرف والطيب تلبس وسامه=واكيد طيبك جاك من طيب مجناك
وهذا الدهر يومه وشهره وعامـه=لوطال ياذيبـان مافضـل سـواك
لانك رفيقي درع جنبـي حزامـه=تزهاني اليا ششت وتشوش وزهاك
هذا ودم وسلـم وهـذي علامـه=بنكٍ معرب جد خـذ مـد يمنـاك