الله يعز القصيد اللي عليه الكلام=تطرب له النفس وتحبه ويحلى لها
سمعت جزل المعاني من رفيع المقام=الله عليها وصح لسان من قالها
واصل طريقك يا أبو بندر وشد الحزام=تراك من روس قومٍ تعرف أفعالها
خوالي سبيع مروين القنا والحسام=ما ينطح في نهار الضيق خيّالها

رد الشاعر / فرّاج أبو لسان السبيعي ..

ما ذعذع النود وأمطر مدلهم الغمام=حيّ المثايل وراعيها وجوالها
حبيتها ساع وصلتني وقمت أحترام=والطيّبة ما تجازى غير بأمثالها
ياللي نصيبك من الآنعام فرخ السنام=نشمي وشاعر فحل وأشعارك لحالها
يوم الربيع أنصبوا له فالشمال الخيام=مع اللحون أخفقت وأنهار موالها
أثبت بأن المضيمي لا وقف ما يضام=وأنك زعيم المشاعر وأشجع أبطالها
وشهادتك فالصغيّر من خوالك وسام=لو البنيخي تميل شوي مع خالها
تشكر وتذكر يا بن مسهي وتبقى دوام=والدلة أم القناد أهديك فنجالها