نجم من نجوم الساحة الشعبية!!
ظهر فجأه وبدون سابق إنذار وجدناه متواجد على القنوات الشعرية!!
لفت الأنظار إليه !!
تعلقت به ذائقة الجماهير ورسخت قصائده في ذاكرتهم وعقولهم !!
تجاوز كل الحواجز التي تقف بينه وبين الجماهير فأستطاع بـ قابليه وتواضع مذهل أن يقتحم قلوبهم وينال حبهم ورضاهم !!
في قصائده تجد عمقاً ومعنى وفكر !!
له فلسفته الخاصة !!
له طرحه الخاص !!
خرج لنا بثوب وقالب شعري لم يلبسه أحدا من قبله نعم نعم هو لم يتكرر ولن يتكرر !!
أجده يشابه سكون الليل في هدوءه وثقته بـ نفسه!!
متألق في كل امسيه يحييها ويكون هو فارسها !!
كلنا نعلم أن الساحة الشعبية مليئة بالعمالقة ومنافستهم ليست بالأمر السهل ولكن شاعرنا فرض اسمه على الجميع وأولهم عمالقة الساحة لـ يترك لـ نفسه وشعره مقاما ومكانا بينهم إلى أن وصل إلى المقدمة وأصبح اسمه ينافس أسماء كبيره ومهمة ببساطه فرض نفسه بجداره وسار إلى النجومية بخطى ثابتة !!
لقب نفسه بـ الصوت المبحوح واقترنت قصائده بالحكمة فهو شاعر تفنن في كل أغراض الشعر وأنواعه ولكني اطرب لــ قصائد الحكمة والنصح التي تخرج لنا من عقل وفكر بحجم فكر (شاعرنا) !!
وليس كل هذا وحسب بل مدحه الشاعر الكبير رشيد الزلامي في إحدى لقاءاته!!
وقال عنه الشاعر مانع بن شلحاط : (القنبلة الموقوتة(( عبدالرحمن بن بديع الشهراني))، تذكروا هذا الاسم جيداً، هو شاعر قوي ويمتلك شاعرية مفرطة)!
فهيا بنا نستمتع بكلماته وأبياته لــ تتأكدوا من صدق كلامي وشهادتي بـ شاعريته برغم انه ليس بحاجة لـ شهادة احد !!
!
يقول في بني واهب :
وربعي بني واهب على جور ليام=سجلهـا التاريـخ رمـز وبيانـي
فوق الرمك والجيش دكه ودرهـام=ويبركون الحيل فـوق الصوانـي
ربعي اكعـام للمعاديـن وخـزام=وتروي القنا والسيف وقت الطعاني
تامن بهم طراف وحـدود واقـوام=والذود يامن والغـروس المثانـي
تروح فرسان العدا منهـم اقـزام=وتفرهـم فـر الرشـي لسوانـي
ويقول في النصح :
ترا النصايح في القصايـد لهـا دور=وكـلام عنتـر شايفـه فـي محلـه
انطح مية فارس ولا تنطـح الثـور=واخذ الحذر من سيفك اللـي تشلـه
واصبر مادام اِلك على الصبر مقدور=واتبع رضى مولاك والفرض صلـه
واضحك ولو انك من الوقت مقهور=والشـر خلـك دايــمٍ محتسـلـه
ويقول عنها :
ووين الذي ميثاقها ماتخونه=بنت الرجال اللي غلاها يثنا
اللي يبادلها المحبه تصونه=وتبقى على ميثاقها ماتونـا
ويقول في الهجر والبعد:
ماحب انا غيره مـن النـاس لله=حتى لو اني منه مالي محاصيل
ياذا النجوم المرقبـات المطلـه=مري ديـار ٍ للحبيّـب مداهيـل
مري الذي جعل البني فدوةٍ لـه=الصاحب اللي يدعج العين بالميل
وقولي له اني في حياة المذلـه=وبمفارقه شفت العنا والغرابيـل
ويقول بعدما اتعبه الشوق:
ياصاحبي جـده سعيـده بلقيـاك=تلعب طرب ..ياجعلها لك تباشير
تهوى هوى جده .وانا والله اهواك=صحيح جده غير .وانته بعد غير
ياليتنـي يامنـوة الـروح ويـاك=قلي تعال .. وبكد الحجز وأطير
ساعة زمن وأكسِرنظامي لعينـاك=اهم شي اللي تبي قول ...ويصير
واذا الظروف اللي تخونك تحداك=ماقلت ماني قابـل لـك معاذيـر
لكن تراني واحد ٍ من ضحايـاك=وان مت ماحد ٍ قابل ٍ منك تبرير
ويقول عن نفسه ومبادئه :
اللـي مـن الله كاتبـه فـي جبينـي=سبحانه اللي دبر الرزق مـن فـوق
امـن العـدم لـو اتوسـد يميـنـي=في ذمتي ماهييـن نفسـي لمخلـوق
وكرامـةٍ منـهـا تـعـدا يديـنـي=والله ماحظـاهـا ولا اذوقـهـا ذوق
ووالله ماجـي واحــد ٍ مايبيـنـي=لو كان يلحقني من الوقـت لاحـوق
ولاني وراء غرات ربعـي ادوينـي=وادخل على الله ماعرف الغدر والبوق
ويقول في حزنه :
فيالله انا طالبينك وباسمـك نستعيـن=ياعوينٍ ترجي الناس عفوك واتخشا
نسالك ياخالق العرش نصر المسلمين=وانك تشرح خاطر زاد همه واحتشا
لو تهل العين شي يكنه مـن سنيـن=سيلت وادي حنيفه معا وادي الرشـا
ويعذلونه عالمٍ في الزمان مرفهيـن=همهم بس الغـدا ياكلونـه والعشـا
ويقول في الزين عندما غاب عنه :
انا لامتى في شارع الزيـن رايـح جـاي=تنقدت في نفسـي وشكـوا هـل الحـاره
احبـه ومـن حُبـه تبرعتلـه بعـضـاي=بقلبـي ومعلوقـه وابعقـلـي وبفـكـاره
وانا عارف ٍ في خافقـه ماحـد ٍ مسـواي=شعـورٍ تبادلنـاه 0والـحُـب بـاسـراره
لكن الغضي حساس والحرص جاب اقصاي=وصار الخلاف 0وشوفـة النفـس غـراره
ويقول في محمد بن الذيب بعد موقفه النبيل معه :
دروب المراجل مشيها كيد ٍ واِصعيب=ولكن رجال الجـود ماعندهـا فيهـا
ملكني ولد راشد-لكني مِلكت اِبطيـب=ياقل الرجال اللي علومـه اِتجاريهـا
وذي عادته ماهي تصنع ولا تهذيـب=وقد قيل مـن لـه عـادة ٍ مايخليهـا
تقول الرِجال ان المراجل تجي وتغيب=وانا شايف ابن الذيب متجـود ٍ فيهـا
ويقول في الضيف الذي يأتيه كل مساء :
الليل شكله يجذب الهـم ويخيـف=وفيـه الثوانـي والدقايـق ثقيلـه
حل الظلام وقربت حزة الضيـف=ضيف يشارك وحدتي كـل ليلـه
ياضيف قبل اتزورني قولي كيف=القى لصداتـك وفرقـاك حيلـه
ياضيف جياتك عذاب وعجاريـف=وابغى اتخلص منك بائيت وسيلـه
ياضيف منك ادموع عيني ذواريف=وعسفتني عسف المهار الاصيلـه
ويقول في الكلمه الجارحه:
ياليتني ماسمعـت الكلمـه الجارحـه=ياصاحبي بسئلك 0 هل كلمتك من وعي
اشووف ماكـن شـي قلتـه البارحـه=وانا من البارحه تاكل وتشـرب معـي
ياليت ماصار بيني وبينـك اِمصارحـه=وياليت مامرت الكلمه علـى مسمعـي
ويقول في محبوبته :
يازين من خـدك وحمـر الشفايـا=اتركنـي اخـذ راحتـي واتـروا
اللي فرقبك عـن جميـع البرايـا=اِمعـزل ٍ لاسـرت قـام اِيتـزوا
وردف ٍ عن اردوف البشر به مزايا=لاقمـت ملبوسـك عليـه اِيتطـوا
وملامـح فيهـا البهـا والحلايـا=فاقـت علـى ذريـة آدم وحــوا
في سكتك حثيـت سيـر المطايـا=حتى ان قلبي مـن فراقـك تكـوا
ويقول في العجمان :
المدح في العجمان يلزمني اللزام=امدح رجال ن فعلهـم ماخفانـي
ياربع ابن حثلين يا اهل الوفا التام=للي بقاله في الجزيـره مكانـي
راكان بن حثلين شاعر وضرغام=شيخ شجيع فـارس صيرمانـي
عجزوبه الاتراك والشرق والشام=مشهور واشهر من سهيل اليماني
شلفاه تشدي في المهمات لا قـام=شلفا ذياب اللي تفض المحانـي
شيخ على العجمان فارس ومقدام=ربعه هل القاله اطوال اليمانـي
|
المواضيع المتشابهه
العرض العادي
