راكب الي صممه كافـرٍ ولـدة حـرام=واشهد انه يوم كلـف بصنعـه كملـه
جيب لكزس لونه اسود كما لون الظلام=يوصل الي مبعد الدار يـم ديـرة هلـه
لانوالـه طرقـةٍ فـز والعالـم نـيـام=قوم ياسـواق وشيـك عليـه وشغلـه
وجهه يم الكريمين مـن نسـل الكـرام=صوب اهل رنيه ليا من مشيت فعدلـه
لاوصلت انصا محمـد وبلغـه السـلام=وصله خطي ومكتوبـي الـي مرسلـه
واخبره واعطه تفاصيل علمـي باتمـام=واعرض القصه عليه وتمهل واسئلـه
قله انـي ماتهنـاء بشـراب ولاطعـام=مسهرٍ عيني ونـوم العـرب ماتقبلـه
ناحلٍ حالي ولاعـاد باقـي الا العظـام=زالي مـده وحالـي وروحـي منحلـه
والسبب ياخوك جرح المحبه والغـرام=طاح قلبي وانشبـك فالغـرام وعرقلـه
قبل اعرف الحب احسبه مشاهد وابتسام=واثر جرح الحب للـي غشيـمٍ يقتلـه
اشهد ان الحب بلوى وجرح الحب سام=طب قلبـي حبهـا يالسنافـي ودهلـه
يـوم ينشـد الملـوح بليلـى مايـلام=منجرح في حبهـا والسعـد ماحصلـه
جاك خطي يامحمد ومضمـون الكـلام=ياعسى يالذرب تطلـع بحـل المسألـه

ذع ذعيلي ياهواء النود والمرسول هام=استجابت ثـم جتنـي بجزلـه تحملـه
عبر موجات الموبايل لفى والقول تـام=من قريحة شاعرٍ طرق بيتـه يفتلـه
باسم ابوتركي قريته مطوع كـل هـام=ياهلابه عد شـوف المـزون المقبلـه
يشتكي جرحٍ حصله مسببتـه سهـام=طعنةٍ من صاحبلـه ولاهـوب يجهلـه
ويالله الخيره ليا ضيم رجـلٍ مايضـام=وبهـذل الله ترفـةٍ بالغـرام تبهذلـه
وكم عقيدٍ مات من شان زاهيت الوشام=فالعصور الحاضره والعصـور الاولـه
وانت طعنن فيك ماهو برمح ولاحسام=صرت مثلي بالهواء رحت جرحك تنقله
الجفى مثـر بحالـك وعينـك ماتنـام=والمهاوي غيـر خلـه بـداء مالبلـه
لو يخير فالغنادير فـي شـرقٍ وشـام=طب قلبه وصلها وازهل العلـم ازهلـه
حدد الوجهه لدارٍ ربة ضبـي العـدام=ناصلـه ياصاحبـي لوبعيـدٍ مدهلـه
لو تعند قومها لو يقـال الحـرب قـام=البناخي فـي لزومـه ترانـا نجملـه
الاعاد انكانها حلم من ضمـن الحـلام=كل حلمٍ له مع الوقـت نـاس تأولـه