هذه محاوره

بين الشاعر/حبيب العازمي

والشاعر/عبدالله بن شايق

اعجبتني وحبيت انقلها لكم واتمنى تعجبكم


*حبيب العازمي

سلامي على آل سعود وضيوف آل سعود
..........سـلام بمسـك العـود نسمـة هبوبـه
وطنـا وطنـا منبـع العـز والـجـود
..........ودحر المعـادي كـان شبـت شبوبـه


*عبدالله بن شايق

أنا بالنيابة قمت والخير موجود
..........عن الأسرة اللي ضيفهم رحبوبه
بلدنا مجندنا وحنـا لـه جنـود
..........على السلم سلم وللمشاكل عقوبه


*حبيب العازمي

ترى العاقل اللي يعرف النقص والزود
..........قبل مايعرف الـدار يعـرف دروبـه
بذلنا على وضح النقاء كـل مجهـود
..........لكن انـت لابـدك تلاقـي صعوبـه


*عبدالله بن شايق

ترى العاقل اللي ياخذ الحق بشهـود
..........ونفسك على الطرقة مهيب مغصوبـه
ليا صار فالميـدان حـاوي ومـردود
..........انا اصل العرب واصلي يعرف العروبه


*حبيب العازمي

ليا قلتها قلت لك مانيـب محـدود
..........ولكن داب الغـار ينفـخ ذروبـه
زمان مضى والناس طارد ومطرود
..........كثير العرب ناخذ شماغه وثوبـه


*عبدالله بن شايق

توقع ترى فاللعب نـار وبـارود
..........وراع العيوب اصد ماكشف عيوبه
وانا أقول ليلٍ قربم جعلـه يعـود
..........وانا عارفٍ قلبك يحسب ذنوبـه


*حبيب العازمي

رصاص المقمع صفر مافيه عبرود
..........ولايشفـي الغازيـن لوحاربوبـه
وانا اقول صعبة طقة العود بالعود
..........ولكن حاسب والعلـوم محسوبـه


*عبدالله بن شايق

كثير العرب لومات ماهوب مفقـود
..........وانا يوم جيت السوق شفت الجلوبه
اشهد عليك احمد وحمـاد وحمـود
..........ارويك وانت تصد منتـه بصوبـه


*حبيب العازمي

ياراع المنيحه ردها لاخـر الـذود
..........تبي تحتلبها بـس جتـك محلوبـه
زمان الهوايل يجمع البيض والسود
..........واشوف الهوايل جات والوقت دوبه


*عبدالله بن شايق

ياويلك من اللي صار والباب مسدود
..........ترى راعي الساحه يعرف الرطوبه
انا لي يمين ودين ووعود وعهـود
..........لاقـوم اتعجبـك وحطـك عجوبـه






وسلامتكم


اتمنا استمتعتو مع المحاوره