العودة   منتديات الناقول > الأقسام العامة > من هنــا و هنــاكـ
التعليمات التقويم البحث مشاركات اليوم اجعل كافة الأقسام مقروءة

من هنــا و هنــاكـ للمواضيع العــــامه والأخبــــار

إضافة رد
 
LinkBack أدوات الموضوع انواع عرض الموضوع
قديم 13 - 10 - 2008, 09:07 AM   رقم المشاركة : 1 (permalink)
شـاعـر
 
الصورة الرمزية أبــوبنـــدر
الملف الشخصي





اخر مواضيعي
الحالة
أبــوبنـــدر غير متواجد حالياً
أبــوبنـــدر will become famous soon enoughأبــوبنـــدر will become famous soon enough

6 

أنا بأفصل .. يابوي


سلام عليكم كلكم وعوده حميده للطلاب والطالبات
طبعاً مشغولين هالإسبوع بالمدارس وقلقها

يوم السبت كان يوم البدايه .. وليست كأي بدايه
"بندر" الصغير متوجّه للصف الثاني .. لكن بمدرسه جديده غير مدرسته الأولى
يعني الأمور تتطلب موافقة المدرسه الجديده وقبولها وبعدين نقل الملفات وخلافه
كل هالأمور سهله مع "بندوري" .. لكن الصعوبه كانت مع بطل هالقصه ..


الشيخ/ سعد بن فالح الثاني <<<< ترى ماهوب من شيوخ قطر إنتبهوا

سعد جديد على المدرسه وشكل الرجال مانفعت معه التمهيدي والروضه
توقعت الأمور سهله معه مثل ماحصل مع بندر .. حب للدراسه لدرجة إنه لو خليناه يغيب سبب لنا إزاعاج.

طبعاً شكل سعد ماحب المدرسه الجديده وكان يبغى المدرسه القديمه اللي درس فيها بندر
على الرغم من إنا .. عطيناه مغريات عن المدرسه الجديده .. وقلنا له شوف عندهم ملعب زي ملعب "ياسر" (مزروع يعني) .. ومع المغريات ماتغير شي ..

المهم سعد ترك الطلاب والمدرسين وجاء لأبوه مع الآباء..
وقال أبوي:قال لبيه .. قال:أنا بأفصل .. قال:يابوك خل لين نسجلك أول شي وبعدين أفصل :p
قال:لا .. أنا بأفصل وبس .. قال أبوه:خلاص بكره نجي لو ما صلحت لك المدرسه أفصل
وإتفقوا على هالكلام .. كلمة رجال لرجال .. وفي اليوم الثاني يوم الأحد حضر الجميع
وكان يوم مفتوح ألعاب .. وإختاروا سعد للعبه الأولى مع 20 طلب مستجد
وكانت لعبة الحلقات قريبه من لعبة الكراسي .. وأبدع سعد .. فاز في اللعبه على طلاب كثير
حوالي 20 طالب .. وكان طعم الفوز مع اللعب كفيل بتغيير القرار الصعب
والرجال هون عن اللي في راسه .. وقرر يكمل وما يفصل
قلنا الحمد لله .. واليوم إتفق الجميع إنه يكون عندهم لوحده ويكون أبوه متواجد الساعه 9,30 حسب توجيهات المدرسه..
والحين أبوه بيطلع يجيبه .. ولو حصل تغيير في التوجه العام بأكون حاضر معكم على هالموضوع

وكل سنه وإنتم طيبين

ودمتم في رعاية الله,,









التوقيع :

ألف ألف شكر للمصمم المبدع إبن جازع
آخر تعديل أبــوبنـــدر يوم 13 - 10 - 2008 في 10:26 AM.

رد مع اقتباس
قديم 13 - 10 - 2008, 09:52 AM   رقم المشاركة : 2 (permalink)

فريق عمل مجلة الناقول

 
الصورة الرمزية الجفول
الملف الشخصي




اخر مواضيعي
الحالة
الجفول غير متواجد حالياً
الجفول will become famous soon enough

6 

افتراضي

الله يخليهم لك..

..

مير لاتوقف في وجه طموحات الولد يابو بندر..
اذا بغى يفصل خلّه يفصل..

خيره ان شاء الله

..

عاد تبي الصدز..
هو مع بداية الدراسه بيسلك..
شي جديد وهالاسبوع دلع وحلاو ولعب..

لكن البلا لين انتصف في الدراسه وقال : تذكر يابابا وش قلت هاك اليوم؟!!!

..

الله يوفق بندر وسعد..







التوقيع :
"أعطني حريتي أطلق يدايا"

....... مِن سجون الصَّمت ِ بل أطلِق فَمْي!


وآنا متخفيّ ورى بيض النوايا

........... ناشف ٍ ريقي قبل يَنْشَف دمـْي


ليت ذاكْـرتـْي مثـل وجه المرايا

......... تعكس اللي وسْط بالي : فـ قْلْمي

رد مع اقتباس
قديم 13 - 10 - 2008, 04:06 PM   رقم المشاركة : 3 (permalink)
المشاغـب
الملف الشخصي




اخر مواضيعي
الحالة
ناصر اللحيم غير متواجد حالياً
ناصر اللحيم has much to be proud ofناصر اللحيم has much to be proud ofناصر اللحيم has much to be proud ofناصر اللحيم has much to be proud ofناصر اللحيم has much to be proud ofناصر اللحيم has much to be proud ofناصر اللحيم has much to be proud ofناصر اللحيم has much to be proud of

9 6 

افتراضي

الله يخليه لك وإنشاء الله يطلع مثلك بدراسه يابو بندر خابرك يوم صغير صاروخ مشاء الله

بس انتبه له لايركب نقل عبدالله بن بــــــطي (الجمس الأحمــــر والبيبسي على الريق)

تذكرها ونتبه لايكون معه طالب مشاغب مثل طالب باقي بذاكرتي رغم طول السنين

وانت تعرفه وهــو( م ح س ن س ع د) الله يذكره بالخير تقبل مروري وإنشاء الله الرجال مايرجع بكلامه يواصل بمدرسته.







رد مع اقتباس
قديم 13 - 10 - 2008, 06:46 PM   رقم المشاركة : 4 (permalink)
المشرف العــام
 
الصورة الرمزية مفرّج الناقول
الملف الشخصي





اخر مواضيعي
الحالة
مفرّج الناقول غير متواجد حالياً
مفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond reputeمفرّج الناقول has a reputation beyond repute

افتراضي

ههههههههههههههه


خله يفصل يابوبندر لا تعقد سعد


كل شوي دراسه كل شوي دراسه السبت درس والأحد درس والأثنين درس خلاص يابوبندر

وش هالضغط يااخي







التوقيع :

رد مع اقتباس
قديم 13 - 10 - 2008, 08:49 PM   رقم المشاركة : 5 (permalink)
- ملكْـ بِلا مم ـلـكَهـ -
 
الصورة الرمزية مخاوي الليل
الملف الشخصي





اخر مواضيعي
الحالة
مخاوي الليل غير متواجد حالياً
مخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond reputeمخاوي الليل has a reputation beyond repute

http://alnaqool.net/vb/wesam/20.gif 6 

افتراضي

ههههههههههههههههههههههههههههههههههههه

الله يخليهم لك قووووووول آآآآآمين ..


ماشاء الله تبارك الرحمن ..

تصدق ما شفت أحد قال ماشاء الله يهبووووون ..

بس من جد خلوا سعد يدرس يوم ويسلّم 48 هههههههههههههههههههههه مهبو كل يوم يدرس ..

عشان يحب المدرسة وبعدين عاد يطبق عادي ..

بس بندررر معه في نفس المدرسة .. أهم شيء يكون معه .. تعرف عشان الهوشات والحركات هذي << قدييييم ههههههههههههههههههههههههههه






التوقيع :

رد مع اقتباس
قديم 13 - 10 - 2008, 09:01 PM   رقم المشاركة : 6 (permalink)
شـاعـر
الملف الشخصي




اخر مواضيعي
الحالة
بسيوني الثاني عشر غير متواجد حالياً
بسيوني الثاني عشر is a name known to allبسيوني الثاني عشر is a name known to allبسيوني الثاني عشر is a name known to allبسيوني الثاني عشر is a name known to allبسيوني الثاني عشر is a name known to allبسيوني الثاني عشر is a name known to all

http://alnaqool.net/vb/wesam/17.gif 

افتراضي

ما شاء الله تبارك الله

حلوين ما شاء الله (طالعين لبوهم)

الله يوفقهم
ويجعلهم قرة عين لوالديهم


ملحوظة
بتوفيق الله تقدر تجعل من ها الشبلين رجال مؤثرين بكل معنى الكلمة

ملحوظة
بأرادة الله قد تجعل من ها الشبلين اشخاص بكباقي الاشخاص


اسأل الله ان يوفقهم يا ابو بندر







رد مع اقتباس
قديم 13 - 10 - 2008, 11:46 PM   رقم المشاركة : 7 (permalink)
عمدة محافظة الخرمة
عضو مجلس الإدارة
 
الصورة الرمزية العمدة
الملف الشخصي




اخر مواضيعي
الحالة
العمدة غير متواجد حالياً
العمدة مبدع ومميزالعمدة مبدع ومميزالعمدة مبدع ومميزالعمدة مبدع ومميزالعمدة مبدع ومميز

6 7 

افتراضي

اقول الورع تراه مثل امه ان وريتها العين الحمراء سلكت وان قعدت تدلل له بالكلمات الحلوه اشهد انه ياعجل ما ذكرك بمقال انت ماسلكت لين خذك سعد الله يطول في حياته بالجريد هم عانك جيت رجال ومحسوب من الجماعه وان ماطاعك قلبك تصرف معه بشده ارسله لنا دورة ترم (فصل دراسي ) وسوف تلاحظ التغير . انت ذكرتني بمقولة دكتور كان يشرح لبعض الطلاب المنتسبين في جامعة الملك عبدالعزيز بجده ومن ضمنهم ذعار بن جبر عاد الدكتور يقول اسمعوا يجب اذا جن الليل واردت ان تطفئ النور في الغرفه لكي يناموا الاطفال فقل ياشاطرين ترا بطفي النور يالله ناموا علشان مايصابوا بهلع وخوف قال ذعار يادكتور والله اني اطفي النور هم ابغ عليه عاد الدكتور يقول وش يعني تبغ عليه ههههههههههههههههههههههههههه

الله يخليك لهم والله اني اقراء وضحك ذكرتني تجربتي مع ابني عايض







رد مع اقتباس
قديم 13 - 10 - 2008, 11:56 PM   رقم المشاركة : 8 (permalink)
إدارية
 
الصورة الرمزية الوجد
الملف الشخصي





اخر مواضيعي
الحالة
الوجد غير متواجد حالياً
الوجد has much to be proud ofالوجد has much to be proud ofالوجد has much to be proud ofالوجد has much to be proud ofالوجد has much to be proud ofالوجد has much to be proud ofالوجد has much to be proud ofالوجد has much to be proud ofالوجد has much to be proud of

6 

افتراضي

ابو بندر ..
الله يوفق هالاشبال .. والله يخليهم لك ...وجعلك تذوق نفعتهم (دعاوي هالبنت قديمه )

تصدق يا ابو بندر والله عيالك مؤدبين ..يعني يستأذونك في الفصل ..لا حنا عندنا حالات مستعصيه ..
اقرا وان اختك اللي يجي وتعوذ من ابليس ..ولا تضحك عشان ما تبتلا..
واحد من اخواني عنده عيال مدري ليه اجزم ان ما فيه في الكون مثلهم ..
المهم واحد من العيال في الصفوف الاوليه ..لا قومناه الصبح قام يسوي حركات نص كم ...
يقول يالربع عطونا (قرايه ) واقروا عليا ..اللي فيني ما يحب المدرسه ..:D(يعني هو يحبها بس اللي فيه ما يحبها شفت وشلون يلف ويدور )
المهم نجيه بالاخلاق بالسياسه بكل وسيله ما نفع معه ..
صرنا وش نسوي ؟؟!!نلبسه ونتشاقله ونقطه عند الباب ونقفل من دونه .في ذيك الساعه غصبن عن عينه يروح مع السايق من الذل لا يجلس برا ..
الثاني يحب المدرسه ما عنده اشكاليه ..بس مدري ليه احس ان سره مقطوط في حلبة مصارعه والا في خطوط الراليات ..
يحب التفحيط ..وهو جاي والا رايح لازم يفحط ويعطيك نغمة التفحيط مضبوطه;)..
تغاضينا عن هالشيء وقلنا هي حاله تصيب عيال البدو وبتروح ..;)
المشكله ان التفحيط قلب لتصادم ..يعني يعدي ويفحط ويصدم عيال خلق الله ..
ذاك اليوم جانا وقال تراني فزعت لبني عمي ..
تهاشوا عيال معهم وفزعت معهم ..
امي استانست وقالت بعدي ..ومن هالكلام ...
بعد ما حققنا معه ..طلع بني عمه اللي فزع لهم (قحاطين )..
قلنا نعنبوك وشلون يكونون عيال عمك ؟؟!!
قال هماهم جيرانا يعني حساب عيال عم ..


ما عليك ولدك بيمشي الحال معه ..هما اللي مشى حال اللي اردى من حالته بيمشيها معه ..
لاهنت ..







التوقيع :

تزاحموا يبغون ديرة ونسيان
أحد ٍ ضَحَك واحد ٍ يخاف المقابيل
كانوا يقولون الغلابا فـ الاوطان
أكثر كثير مْن السهارى ورى الليل





(قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ، لاَ شَرِيكَ لَهُ وَبِذَلِكَ أُمِرْتُ وَأَنَا أَوَّلُ الْمُسْلِمِينَ)

رد مع اقتباس
قديم 14 - 10 - 2008, 08:23 AM   رقم المشاركة : 9 (permalink)
شـاعـر
 
الصورة الرمزية أبــوبنـــدر
الملف الشخصي





اخر مواضيعي
الحالة
أبــوبنـــدر غير متواجد حالياً
أبــوبنـــدر will become famous soon enoughأبــوبنـــدر will become famous soon enough

6 

افتراضي

اقتباس:
المشاركة الأصلية كتبت بواسطة الجفول مشاهدة المشاركة
الله يخليهم لك..

..

مير لاتوقف في وجه طموحات الولد يابو بندر..
اذا بغى يفصل خلّه يفصل..

خيره ان شاء الله

..

عاد تبي الصدز..
هو مع بداية الدراسه بيسلك..
شي جديد وهالاسبوع دلع وحلاو ولعب..

لكن البلا لين انتصف في الدراسه وقال : تذكر يابابا وش قلت هاك اليوم؟!!!

..

الله يوفق بندر وسعد..
آمين والله يجزاك خير يالجفول

عموماً يامهره أنا أكثر ماضحكني يوم يقول أبي أفصل من أول يوم
لو إنها من أول إسبوع بلعناها .. بس الرجال باقي ما سجلاناه أصلاً

حتى اليوم والأمور سالكه

لاهنتي على مرورك الراائع






التوقيع :

ألف ألف شكر للمصمم المبدع إبن جازع

رد مع اقتباس
قديم 14 - 10 - 2008, 08:29 AM   رقم المشاركة : 10 (permalink)
شـاعـر
 
الصورة الرمزية أبــوبنـــدر
الملف الشخصي





اخر مواضيعي
الحالة
أبــوبنـــدر غير متواجد حالياً
أبــوبنـــدر will become famous soon enoughأبــوبنـــدر will become famous soon enough

6 

افتراضي

اقتباس:
المشاركة الأصلية كتبت بواسطة ناصرهاجدالسبيعي مشاهدة المشاركة
الله يخليه لك وإنشاء الله يطلع مثلك بدراسه يابو بندر خابرك يوم صغير صاروخ مشاء الله

بس انتبه له لايركب نقل عبدالله بن بــــــطي (الجمس الأحمــــر والبيبسي على الريق)

تذكرها ونتبه لايكون معه طالب مشاغب مثل طالب باقي بذاكرتي رغم طول السنين

وانت تعرفه وهــو( م ح س ن س ع د) الله يذكره بالخير تقبل مروري وإنشاء الله الرجال مايرجع بكلامه يواصل بمدرسته.

بصراحه ياناصر اللي طالع مثلي نسخه كربونيه "بندر"

أما سعد حاله خاصه في كل شي
حتى الطلبات يختلف عن إخوانه ماجد وبندر .. الطلب ما يعيده علي وهذا أحلى شي
الباقين يقلقونك لين تجيب لهم طلبهم

وأبشرك الرجال شكله هون اليوم إستانس على طابور الصباح وشال فكرة الفصل نهائياً

أبوهاجد لاهنت على مرورك المميز مثلك






التوقيع :

ألف ألف شكر للمصمم المبدع إبن جازع

رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP MAP HTML HTML

جميع الأوقات بتوقيت GMT +3. الساعة الآن 11:40 AM.


Powered by vBulletin® Version 3.8.1
Copyright ©2000 - 2010, Jelsoft Enterprises Ltd.
SEO by vBSEO 3.3.0
 

جميع المشاركات والمواضيع المكتوبة تعبر عن وجهة نظر كاتبها ,, ولاتعبر عن وجهة نظر إدارة المنتدى

a.d - i.s.s.w

    تصميم، ستايلات منتديات، مواقع، تركيب، بنرات، ...